ព័ត៌មានលម្អិតអំពីប្លក់

តើពេលណាយើងរៀបចំឥវ៉ាន់ត្រៀមសម្រាល? និងរៀបចំដោយរបៀបណាខ្លះ?

ការរៀបចំវ៉ាលីសម្រាប់ត្រៀមសម្រាលកូន៖ អ្វីដែលអ្នកម៉ាក់មិនគួររំលង

ការរៀបចំវ៉ាលីទៅសម្រាលកូនជារឿងដែលធ្វើឱ្យប៉ាម៉ាក់ថ្មីថ្មោងមានក្តីបារម្ភ និងមានចម្ងល់ច្រើន។ តើគួររៀបចំពេលណា? ត្រូវដាក់អ្វីខ្លះ? Babybio នឹងជួយដោះស្រាយចម្ងល់ទាំងនេះ ដើម្បីឱ្យអ្នកម៉ាក់អាចត្រៀមខ្លួនទៅសម្រាលដោយភាពជឿជាក់ និងស្ងប់ចិត្ត។

១. តើគួររៀបចំវ៉ាលីនៅពេលណា?

មិនមានការកំណត់កាលបរិច្ឆេទច្បាស់លាស់នោះទេ អ្នកអាចរៀបចំតាមភាពងាយស្រួលរបស់អ្នក។ ទោះជាយ៉ាងណាក៏ដោយ ដើម្បីបង្ការករណីសម្រាលមុនកាលកំណត់ អ្នកគួររៀបចំវ៉ាលីឱ្យរួចរាល់នៅអំឡុងខែទី ៨ នៃការមានផ្ទៃពោះ។

២. ការបែងចែកកាបូបសម្រាប់ទៅសម្រាល

យកល្អអ្នកគួររៀបចំកាបូបជាពីរចំណែកដាច់ដោយឡែកពីគ្នា៖

• កាបូបទី១៖ សម្រាប់ប្រើប្រាស់នៅក្នុងបន្ទប់សម្រាល។

• កាបូបទី២ (វ៉ាលីធំ)៖ សម្រាប់ប្រើប្រាស់ក្នុងអំឡុងពេលសម្រាកនៅមន្ទីរពេទ្យ។

៣. អ្វីខ្លះដែលត្រូវដាក់ក្នុងកាបូបសម្រាប់ "បន្ទប់សម្រាល"?

កាបូបនេះមានសារៈសំខាន់ខ្លាំងសម្រាប់អ្នកម៉ាក់ លោកប៉ា និងឆ្មបនៅថ្ងៃសម្រាល។ អ្នកអាចប្រើកាបូបស្ពាយក្រោយ ឬកាបូបដាក់ទឹកដោះគោកូនក៏បាន។ អ្វីដែលត្រូវមានរួមមាន៖

• ឈុតដំបូងរបស់កូន៖ អាវយឺតតូច, មួក, ស្រោមជើង, ខោអាវគេងយប់, អាវវាលក្លៀក (Bodysuit) និងភួយរុំកូន។ (បើមិនដឹងទំហំកូនច្បាស់ទេ គួរជ្រើសរើសទំហំសម្រាប់ក្មេងអាយុ ១ ខែ)។

• ឯកសារវេជ្ជសាស្ត្រ៖ សៀវភៅតាមដានសុខភាពមាតា, លទ្ធផលអេកូ, លទ្ធផលតេស្តឈាម និងប័ណ្ណប្រភេទឈាម។

• ឯកសារផ្ទាល់ខ្លួន៖ អត្តសញ្ញាណប័ណ្ណ, ប័ណ្ណធានារ៉ាប់រងសុខភាព (បសស) ឬសៀវភៅគ្រួសារ។

• កាបូបលុយ៖ សម្រាប់ចំណាយផ្សេងៗ ឬទិញកាហ្វេសម្រាប់លោកប៉ា។

• ភេសជ្ជៈ៖ ទឹកស្អាត ឬទឹកផ្លែឈើ (ផ្លែប៉ោម ឬទំពាំងបាយជូរ) ដើម្បីផ្តល់ថាមពល។

• របស់ប្រើប្រាស់ផ្ទាល់ខ្លួន៖ អាវដៃវែង, ស្រោមជើង, ស្បែកជើងផ្ទាត់ និងកន្សែងពោះគោធំសម្រាប់រុំខ្លួន។

៤. ការរៀបចំ "វ៉ាលីធំ" សម្រាប់សម្រាកនៅមន្ទីរពេទ្យ

ក្នុងវ៉ាលីនេះ គួរមានសម្ភារៈសម្រាប់ប្រើប្រាស់រយៈពេល ៥ ទៅ ៧ ថ្ងៃ៖

សម្រាប់កូនតូច៖

• អាវវាលក្លៀក  ៥ ទៅ ៧ ឈុត (ប្រភេទដែលមានកឹបលេវខាងមុខងាយស្រួលពាក់)។

• ខោអាវគេងយប់ ៥ ទៅ ៧ ឈុត​ ឈុតដៃវែង ជើងវែង ​៥ ឈុត អៀមកឹប ៣ ឈុត។

• អាវរងា និងមួក ២ ទៅ ៣ សម្រាប់ អាវចងខ្សែ ៥ អាវ ខោបិទ​ ៥។

• ស្រោមជើង ២ ទៅ ៣ គូ និងកន្សែងជូតខ្លួន ២ បន្ទះ ស្រោមដៃស្រោមជើង ១០គូរ មួក ២គូរ។

• កន្សែងរុំកូន និងខោទឹកនោម។

• ផលិតផលថែរក្សាស្បែកកូន (សាប៊ូកក់សក់-ដុសខ្លួន និងប្រេងរឹត) ម្សៅរលាក ម្សៅលាបខ្លួន ក្រដាសស្ងួត ក្រដាសសើម ។ 

• ឧបករណ៍វាស់កម្ដៅខ្លួន និងកម្ដៅទឹកងូត កាធុនងូតទឹក ឈុតពូក សំឡីក្បាលត្រចៀក ដបទឹកដោះគោ ម្សៅទឹកដោះគោ សាប៊ូលាងដប អេប៊ុងលាងដប និង បង្ការខ្លាចអត់មានទឹកដោះ។

សម្រាប់អ្នកម៉ាក់៖

• សម្លៀកបំពាក់រលុងៗ ៣ ទៅ ៤ ឈុត ដែលផ្តល់ភាពងាយស្រួល។

• កញ្ចប់សម្ភារៈបន្ទប់ទឹក (សាប៊ូដុសខ្លួនក្លិនស្រាល, ច្រាស និងថ្នាំដុសធ្មេញ)។

• សំឡីអនាម័យសម្រាប់ស្រ្តីសម្រាល និងខោទ្រនាប់ (ប្រភេទប្រើហើយចោលកាន់តែប្រសើរ) មួក២ ស្រោមជើង ៥គូរ។

• អាវទ្រនាប់សម្របសម្រួលការបំបៅដោះ ២ ទៅ ៣ និងក្រែមលាបក្បាលដោះ (បើបំបៅដោះកូន)។

• ខ្នើយសម្រាប់កល់បំបៅដោះ និងអាហារសម្រន់បន្តិចបន្តួច។

ដំបូន្មាន៖ កុំភ្លេចសាកសួរមន្ទីរពេទ្យដែលអ្នកគ្រោងនឹងទៅសម្រាល ព្រោះកន្លែងខ្លះអាចមានផ្តល់សម្ភារៈមួយចំនួនរួចជាស្រេច។